“የመለስ አምልኮ” የሚል ርእስ ያለው መጽሀፍ ነገ በገበያ ላይ ይውላል

ሚያዚያ ፳፭ (ሃያ አምስት) ቀን ፳፻፬ ዓ/ም

ኢሳት ዜና:-የፍትህ ጋዜጣ መሥራችና ዋና አዘጋጅ ጋዜጠኛ ተመስገን ደሳለኝ በጋዜጣ ላይ ያወጣቸውን ፖለቲካዊ፣ ኤኮኖሚያዊ፣ ማህበራዊ ፊቸር- ጽሑፎች፣ አርቲክሎች እና ሀገራዊ ኮሜንተሪ- ሂሶች “የመለስ አምልኮ” በሚል ርዕስ የተመረጡ ስብስብ ሥራዎቹን በመድብል መልክ ያዘጋጀ ሲሆን መጽሐፉ በነገው ዕለት በኢትዮጵያ ዋና- ዋና ከተሞች በገበያ ላይ ይውላል፡፡

“የመለስ አምልኮ” መጽሐፍ 255 ገፆችን አካቶ በመጸሐፉ ጀርባ ላይ የቀድሞው የኢፌድሪ ፕሬዝዳንትና በአሁኑ ጊዜ የአንድነት ለፍትህና ለዴሞክራሲ  ፓርቲ ፕሬዝዳንት ዶ/ር ነጋሶ ጊዳዳ፣ የፕሮፌሰር መስፍን ወልደማርያም እና በመካከለኛው ምሥራቅ የጀርመን ድምጽ ራዲዮ ወኪል የሆነው ነቢዩ ሲራክ-ን አወንታዊ አስተያየት አካቶ ይዞ ለሀገር ውስጥ በ39 ብር ዋጋ በስርጭት ላይ ያገኛል ያሉን ለአሳታሚው ቅርበት ያላቸው ምንጮች በቁጥር ከ15 ሺህ እስከ 20 ሺህ አካባቢ ለመጀመሪያ ሕትመት የበቃ እና በሀገራችን በጋዜጣ ፍጆታ የዋሉ ፊቸር- አርቲክሎች ይታተሙበት ከነበረው ቁጥር የላቀ ነው ብለዋል፡፡

መጽሐፉ በክፍል አንድ “ሀገራዊ ጉዳዮች” በሚለው ውስን ርዕስ ውስጥ ስድስት ፊቸር-አርቲክሎችን የያዘ ሲሆን፡-  “ይድረስ ለአጉራ ዘለል ካድሬ፣ ኢትዮጵያዊው ማነው፣ የሀገር ፍቅር እስከምን ድረስ፣ “ፌዴራሊዝም” ይሄ ከሆነማ፣ ኪራይ ሰብሳቢ ስንል፣ የትግራይ ህዝብ ማነው” ፣ በክፍል ሁለት “የገዢዎች ጦማርና ባህሪያቶቻቸው” በሚለው ንኡስ ርዕስ ውስጥ ደግሞ- “መለስ ዜናዊ ከመይ ቀኒዮም፣ አቦይ ስብሃት ነጋን በጨረፍታ፣ ምነው አባታችን እያወቁ፣ የሀውልቱ ሥር ፖለቲካ፣ ልጆቻችሁ ቻይና ምን እየሰሩ ነው እና የመጽሐፉ ዋቢ ርዕስ የሆነው የመለስ አምልኮ” ይገኝበታል፡፡

በክፍል ሦስት- “ታላላቅ ሀገራዊ ክስተቶች” ንኡስ  ርዕስ ውስጥ ደግሞ- ትዝታ ሚያዚያ 30፣ የፕሮፌሰር አስራት ወይስ የመኢአድ ሙት ዓመት፣ እስክንድር ነጋን ሳስበው ሳስበው ክፍል አንድ፣ ሰኞን ከመለስ ዜናዊ ጋር፣ ኢህአዴግ ምን ያድርግህ፣ ጓደኞቼን መልሱልኝ፣ አኪልዳማው የአይሁድ ወይስ የኢህአዴግ” የሚሉ ፊቸር- አርቲክሎች ተካተውበታል፡፡

በክፍል አራት- “አንዳንድ ነጥቦች ስለፓርቲዎቻችን” ውስን ርዕስ ውስጥ ደግሞ “ኢህአዴግና ሙስና የአንድ ሳንቲም ግልባጮች፣ የብአዴን ሰዓት ስንት ላይ ቆሟል፣ የተቃዋሚዎች ሰፈር እንደምን ከረመ፣ ኦህዴድን በጨረፍታ፣ ኢህአዴግ አውራ ፓርቲ ሲል” የሚሉ አምስት ፊቸር- አርቲክሎችን ይዟል፡፡

በክፍል አምስት “ሕዝባዊ ብሶቶች” በሚለው የመጨረሻው ንኡስ ርዕስ ውስጥ ደግሞ  “ኢትዮጵያኒዝም” ወደ “ቱኒዚያኒዝም” ያልተቋጨው የአብዮቶች ዋዜማ፣ የፀጥታ ጩኸት፣ “ሹክሹክታው” ምንድን ነው፣ እኔም “አሸባሪ ነኝ”፣ ቄሳርም ይደነግጣል፣ ሞት የማይፈሩ ወጣቶች- የሚሉ ከዚህ ቀደም በፍትህ ጋዜጣ ላይ የተስተናገዱ ፊቸር- አርቲክሎች ይገኙበታል፡፡

Eskinder honored with Pen America's "Freedom to Write" Award

Serkalem Fasil receives the award on behalf of her husband, Eskinder Nega (Pen/AP)

Eskinder smiles as he comforts his crying son, Nafkot. The miracle child was born in prison in 2006 when his mom, award-winning journalist Serkalem Fasil was also behind bars for the same reason as her husband.

NEW YORK 
By Associated Press | May 2, 2012


— An imprisoned Ethiopian journalist and blogger who could face the death penalty for advocating peaceful protests in his Horn of Africa homeland was honored Tuesday with PEN America’s “Freedom to Write” award.

Eskinder Nega was arrested in 2011 under Ethiopia’s sweeping anti-terrorism laws, which PEN says criminalize any reporting deemed to “encourage” or “provide moral support” to groups and causes the government deems “terrorists.”
Nega is still in jail after a judge in Addis Ababa found him guilty Jan. 23 on terror charges. He could face the death penalty at sentencing.
Ethiopia has arrested close to 200 people, among them journalists and opposition politicians and members, under last year’s anti-terrorism proclamation.
According to the Committee to Protect Journalists, more journalists have fled Ethiopia than any other country in the world over the past decade.
Nega was honored at PEN/America’s annual gala dinner Tuesday at the American Museum of Natural History, with some 500 PEN members and supporters in attendance.
PEN/America granted him the year’s PEN/Barbara Goldsmith Freedom to Write Award.
Forty-six women and men have received the award since 1987; 33 of the 37 honorees who were in prison at the time they were honored were subsequently released.
Accepting the award was his wife, Serkalem Fasil, a free expression advocate in her own right, who served 17 months in prison for treason starting in 2005 and gave birth to their child behind bars. She won the International Women’s Media Foundation Courage in Journalism Award in 2007.
“The Ethiopian writer Eskinder Nega is that bravest and most admirable of writers, one who picked up his pen to write things that he knew would surely put him at grave risk,” said Peter Godwin, president of PEN American Center. “Yet he did so nonetheless. And indeed he fell victim to exactly the measures he was highlighting, Ethiopia’s draconian ‘anti terrorism’ laws that criminalize critical commentary.”
Nega has been publishing articles critical of the government since 1993, when he opened his first newspaper, Ethiopis, which was soon shut down by authorities.
He was the general manager of Serkalem Publishing House, which published the newspapers Asqual, Satenaw, and Menelik, all of which are now banned in Ethiopia.
Nega has also been a columnist for the monthly magazine Change and the U.S.-based news forum EthioMedia, which are also banned in Ethiopia.
He has been detained at least seven times under Prime Minister Meles Zenawi, including in 2005, when he and his wife Serkalem were imprisoned for 17 months on treason charges for their critical reporting on the government’s violent crackdown of protests following disputed elections, and briefly in February 2011 for “attempts to incite Egyptian and Tunisian-like protests in Ethiopia” after he published articles on the Arab uprisings.
Nega has been denied a license to practice journalism since 2005, yet he has continued to publish columns critical of the government’s human rights record and calling for an end to political repression and corruption.
Nega was again arrested Sept. 14, 2011, after he published a column questioning the government’s claim that a number of journalists it had detained were suspected terrorists, and for criticizing the arrest of well-known Ethiopian actor and government critic Debebe Eshetu on terror charges earlier that week.
Shortly after his arrest, Nega was charged with affiliation with the banned political party Ginbot 7, which the Ethiopian government considers a terrorist organization. On Nov. 10, Nega was charged and further accused of plotting with and receiving weapons and explosives from neighboring Eritrea to carry out terrorist attacks in Ethiopia. State television portrayed Nega and other political prisoners as “spies for foreign forces.”
He is being held in Maekelawi Prison in Addis Ababa, where detainees are reportedly often tortured.

የዋልድባ ገዳም አካባቢ የስኳር ልማት በአካባቢው ማህበረሰብ ቁጣ ቀሰቀሰ

የዋልድባ ገዳም አካባቢ የስኳር ልማት በአካባቢው ማህበረሰብ ቁጣ ቀሰቀሰ

ሺዎች የሚቆጠሩ የሰሜን ጎንደር ነዋሪዎች ወደ ዋልድባ ተመሙ፣ ሁለት ነጮች ተገድለዋል ሌሎች ሰራተኞች አካባቢውን ለቀው ወጥተዋል

በሺዎች የሚቆጠሩ የሰሜን ጎንደር ነዋሪዎች ወደ ዋልድባ ተመሙ፣  ሁለት የውጭ ሀገር ተወላጆች  ተገድለዋል ሌሎች ሰራተኞች አካባቢውን ለቀው ወጥተዋል ሲል ኢሳት ዘገበ።

የገዳሙ አባቶች ለሰሜን ጎንደር ነዋሪዎች ባቀረቡት ጥሪ መሰረት እስከ 200 ኪሎሜትር ርቀት የሚገኙ የሰሜን ጎንደር ነዋሪዎች ወደ አካባቢው መትመማቸውን ተከትሎ ሁለት የውጭ ሀገር ተወላጆች መሞታቸውን፣ ሌሎች ሰራተኞች ደግሞ “ ከህዝብ ጋር አንጣላም” በማለት አካባቢውን ለቀው ወጥተዋል። የሟቾቹ እና አካባቢውን ለቀው የወጡት  ምእርባዊያን ይሁኑ የቻይና ዜጎች አልታወቀም።

ከ5ሺ ያላነሱ የአካባቢው ነዋሪዎች በዋልድባ ተገኝተው ተቃውሞ እያሰሙ ባለበት በዚህ ጊዜ፣ የመከላከያና የፌደራል ፖሊስ አባላትም እርምጃ ለመውሰድ ፈርተዋል። “ሁኔታው እጅግ አስፈሪ ነው፣ መንግስትና ህዝቡ ተፋጠዋል፣ የአካባቢው ወጣቶችም ወደ አካባቢው ለመጓዝ እየተመካከሩ ነው” ሲል አንድ ጉዳዩን በቅርብ ሆኖ የሚከታተል ሰው  ገልጧል ሲል ኢሳት በዘገባው ገልጿል።

 “ለህዝብ ልማት  ተብሎ ነው የመጣነው፣ እናንተማ ካልፈለጋችሁት እኛ እዚህ ምን እናደርጋለን?” በማለት ሰራተኞቹ  አካባቢውን ለቀው በመውጣታቸው፣ በአሁኑ ጊዜ ስራው ሙሉ በሙሉ ቆሟል።

መንግስት ስራው ተቋርጧል በማለት ለአካባቢው ነዋሪዎች ቢናገርም፣ ህዝቡ ግን ሚጢቆ በሚባል ቦታ ላይ የተተከሉት ሁለቱ የኤሌክትሪክ ጄኔሬተሮች ካልተነሱ ስራው መቋረጡን ከልብ አምነን ለመቀበል  አንችልም የሚል መልስ ሰጥቷል።

የአካባቢው ህዝብ አሁንም ጄኔሬተሮቹ እስኪነሱ ድረስ በትእግስት በአካባቢው ተገኝቶ እየጠበቀ ነው። ህዝቡ በስንቅ እጦት እንዳይቸገር እርስ በርሱ  እየተተካካ እንደሚጠብቅ ለማወቅ ተችሎአል።

የገዳሙ አባቶች ” ከሀይማኖት ወዲያ ምን አለ፣ ለሀይማኖት መሞት ጽድቅ ነው።” በማለት ሰሞኑን ህዝቡን እየዞሩ ሲያስተምሩ ነበር። መንግስት የተወሰኑ መነኮሳትን አፍኖ መውሰዱም ታውቋል።

አሁን በሚታየው ስሜት የዋልድባ የስኳር ግንባታ ተፈጻሚ ሊሆን እንደማይችል አንድ የአካባቢው ሰው ለኢሳት ተናግረዋል።” የህዝቡ ቁጣ ከመጠን እያለፈ ነው “ያሉት እኝህ ሰው ፣ መንግስት ከህዝቡ ጋር እልህ ውስጥ የሚጋባ ከሆነ ከፍተኛ ጉዳት ሊደርስ ይችላል ሲሉ አስጠንቅቀዋል።

የመንግስት ባለስልጣናት በግንባታው ዙሪያ የሀይማኖት አባቶች ስምምነታቸውን ሰጥተዋል ቢሉም፣ ህዝቡ ግን የሚቀበለው አልሆነም።የአቶ መለስ መንግስት ከህዝበ ክርስቲያኑ እና ሙስሊሙ ጋር በፈጠረው አለመግባባት በሀገሪቱ ውስጥ ከፍተኛ ውጥረት መስፈኑን ምንጮች ከአዲስ አበባ ለ አዲስ ቪው ገልጸዋል።ይህንን ውጥረት ተከትሎ የፌደራል ፖሊስ እና ከፍተኛ የመንግስት ባለስልጣናት ተከታታይ ስብሰባ ላይ መሆናቸውም ተሰምቷል።

በቴዲ አፍሮና በአዲካ መካከል አለመግባባት ተፈጠረ

ሪፖርተር 

ድምፃዊ ቴዎድሮስ ካሳሁን (ቴዲ አፍሮ) ከአዲካ ኮሙዩኒኬሽንና ኢቨንትስ ጋር ውዝግብ ውስጥ መግባቱን የሪፖርተር ምንጮች ገለጹ፡፡

ቴዎድሮስና አዲካ ውዝግብ ውስጥ የገቡት ‹‹ጥቁር ሰው›› በተሰኘው የቴዎድሮስ አዲሱ አልበም ከስፖንሰርና ከሽያጭ ጋር በተያያዘ ነው፡፡ ቴዲ አፍሮና አዲካ መጋቢት 1 ቀን 2004 ዓ.ም. ባደረጉት ውል፣ ቴዎድሮስ የአልበሙን ዋና ሲዲ (ማስተር ሲዲ) በአራት ሚሊዮን ብር ሸጧል፡፡ ክፍያውም በሁለት ጊዜ ተፈጽሟል፡፡ 

በዚህ ውል መሠረት አዲካ ያወጣውን ሙሉ ወጪ ከመለሰ በኋላ ከሚገኘው የተጣራ ትርፍ ቴዎድሮስ 20 በመቶ ገቢ ያገኛል፡፡ ይህም ለአምስት ዓመታት የሚቀጥል ሆኖ፣ ከአምስት ዓመት በኋላ በሲዲው ላይ ያለው ሙሉ መብት ከአዲካ ወደ ቴዎድሮስ ይዛወራል፡፡ ከዚህ በተጨማሪ በውሉ መሠረት አዲካ ስፖንሰር የመፈለግና በህትመቱ ላይም የስፖንሰሩን ማስታወቂያ የመጠቀም መብት ይሰጠዋል፡፡ በቴዲና በአዲካ መካከል በዋናነት አለመግባባቶች የተፈጠሩት በእነዚህ ነጥቦች ዙርያ ሲሆን፣ አለመግባባታቸውም እየከረረ መምጣቱን ምንጮች እየገለጹ ነው፡፡ በአለመግባባቱ ውስጥም የሦስትዮሽ ውል የፈረመው ቤሌማ ኢንተርቴይመንት ኩባንያም ሌላኛው ተዋናይ ነው፡፡

ለቴዲ ቅርብ የሆኑ የመረጃ ምንጮች እንደሚገልጹት፣ ቴዲ በሲዲው ላይ የሜታ ቢራ ማስታወቂያ ይለጠፋል ብሎ አላሰበም፡፡ ነገር ግን ሲዲው በሚታተምበት ወቅት የሜታ ቢራ ማስታወቂያ በዋናው ሲዲ ላይ ተለጥፎ የተመለከተው ቴዲ ‹‹ሙዚቃዬን ትልልቅ ሰዎች ብቻ ሳይሆኑ ሕፃናትም ያዳምጡታል፤ ለሕፃናቱ የመጠጥ አርዓያ መሆን አልፈልግም፤›› የሚል ሐሳብ በመሰንዘሩ፣ የሜታ ቢራ ማስታወቂያ የተለጠፈበት ኮፒ እንዲወገድ ብሎም ለገበያ እንዳይቀርብ ስምምነት ላይ ይደረሳል፡፡ በቴዲ በኩል ያሉ መረጃዎች የሜታ ቢራ ዓርማ የተለጠፈባቸው ሲዲዎች ብዛት 120 ሺሕ ነው ቢባልም፣ በአዲካ በኩል ግን 87 ሺሕ ኮፒዎች ናቸው፡፡

‹‹በውላችን መሠረት የስፖንሰሩ ጉዳይ ይመለከተናል፤ ለእኛ ግን ምንም የቀረበልን ሐሳብ የለም፤›› ሲሉ የቤሌማ ኢንተርቴይመንት ኩባንያ ባለቤትና ሥራ አስኪያጅ አቶ ወሰን አበጀ ለሪፖርተር ገልጸዋል፡፡

መረጃዎች እንደሚጠቁሙት ሚያዝያ 6 ቀን 2004 ዓ.ም. ለሚሠራጨው ሲዲ ማስተር ሲዲውን አሥር ቀን እየቀረው የተረከበው አዲካ፣ ከፍተኛ ገንዘብ ወጥቶበታል በሚል ሲዲው ላይ ያለውን የሜታ ማስታወቂያ በማርከር በማጥፋት ለገበያ አቅርቧል፡፡ ይህ የተደረገው ብቸኛው ስፖንሰር የተባለው የሜታ ቢራ ፋብሪካ ይሁንታ በመገኘቱ ነው ሲሉ፣ የአዲካ ኩባንያ ማኔጂንግ ዳይሬክተር አቶ አዋድ መሐመድ ለሪፖርተር ገልጸዋል፡፡ በገበያ ውስጥ ይህ የተደለዘ ሲዲ መሠራጨቱን የተመለከተው ቴዲ በሁኔታው ደስተኛ አለመሆኑን መረጃዎች ይጠቁማሉ፡፡ ሌላኛው አለመግባባት ቴዎድሮስ የታተመውን የሲዲ ቁጥር ማወቅ አለመቻሉ ነው ተብሏል፡፡ የቴዎድሮስን ሐሳብ አቶ ወሰንም ይጋራሉ፡፡ 

ቴዲና አዲካ ባላቸው ስምምነት መሠረት ‹‹ጥቁር ሰው›› አልበም ከሚያስገኘው የተጣራ ትርፍ ገቢ ውስጥ 20 በመቶ ለቴዲ አፍሮ የሚከፈል ነው፡፡ የተጣራ ትርፍ መኖሩን ለማወቅ ከሚያገለግሉ ነገሮች አንዱ የታተመውን የሲዲ ቁጥር ማወቅ ነው፡፡ በመጀመርያዎቹ የህትመት ወቅቶች የተዘረጋው የሞባይል አጭር መልዕክት (SMS) ሲላክ የሚጻፍ ሲሪያል ቁጥር ታትሞበታል፡፡ ቴዎድሮስ የሲርያል ቁጥሩ ቢቀጥል የታተመውን የሲዲ ብዛት ማወቅ ያስችላል ብሎ ያምናል፡፡

በሚቀጥሉት የሲዲ ህትመቶች ግን ምንም ዓይነት ሲሪያል ቁጥር ታትሞ ለገበያ እንዳልቀረበ የሪፖርተር መረጃዎች ይገልጻሉ፡፡ በተዘዋዋሪ መንገድ ከቴዎድሮስ የተገኘው መረጃ እንደሚያመለክተው፣ ቴዎድሮስ ሙሉ ትኩረቱን ሙዚቃው ላይ ከማድረጉ ባሻገር የቢዝነስ ሥራዎችን ማኔጀሩ አቶ አዲስ ገሠሠ ያካሂዳሉ፡፡ ያም ሆኖ ግን ቴዎድሮስ በሁኔታው ደስተኛ አለመሆኑን ገልጿል፡፡

ቴዎድሮስ ዝርዝር መረጃዎችን ከማኔጀሩ ማግኘት እንደሚቻል ቢገልጽም፣ የሪፖርተር መረጃዎች እንደሚሉት ቴዎድሮስና ማኔጀሩ መግባባት ተስኗቸዋል፡፡ ከማኔጀሩ ከአቶ አዲስ ገሠሠ የተገኘው መረጃ እንደሚያመለክተው፣ ከቴዎድሮስ ጋር መግባባት ያልተቻለው ከዚሁ ጉዳይ ጋር በተያያዘ ነው፡፡ በቴዲ የመቃወሚያ ነጥቦች አዲካ ኮሙዩኒኬሽን በፍፁም እንደማይስማማና ይልቁንም የተፈጠሩ ችግሮችን ለመፍታት ብዙ ርቀት መሄዱን፣ የኩባንያው ማኔጂንግ ዳይሬክተር አቶ አዋድ ለሪፖርተር ገልጸዋል፡፡

በመጀመርያ አዲካ የሜታ ቢራን ማስታወቂያ በሲዲው ላይ ለማተም የውል ስምምነቱ ይፈቅድለታል፡፡ ‹‹ነገር ግን ቴዎድሮስ ሕፃናት ሙዚቃዬን ይሰማሉ ማለቱን እንደ መልካም ነገር ወስደን ከሲዲው ላይ አጥፍተነዋል፡፡ ካለን ጊዜ አንፃር ሲዲው ጥቅም ላይ እንዳይውል ቢባልም በደረስንበት ወቅታዊ ስምምነት ማስታወቂያውን አጥፍተን ገበያ ላይ አውለነዋል፤›› ሲሉ አቶ አዋድ ገልጸዋል፡፡

‹‹ሲዲው ለገበያ የሚቀርብበት በጣት የሚቆጠሩ ጊዜያት ብቻ ነበሩን፤ ጊዜ ወሳኝ ነበር፤›› ሲሉ አቶ አዋድ የወቅቱን አንገብጋቢነት አስረድተዋል፡፡ ማሽኑ በቀን የማተም አቅሙ ከ20 ሺሕ እስከ 25 ሺሕ ሲዲ ነው፡፡ በዚህ የማምረት አቅም የሜታ ማስታወቂያ የተለጠፈበትን 87 ሺሕ ኮፒ ማስወገድ የሚቻል ነገር አይደለም፤›› ብለዋል፡፡

ሲሪያል ቁጥር የተሰጠው ለግጥሞቹ ነው ተብሎ አዲካ፣ የኦዲዮ ቪዥዋል አሳታሚዎች ማኅበርና የብሔራዊ ሎተሪ አስተዳደር በመተባበር ማንኛውም ሰው ኦሪጂናል መግዛቱ የሚታወቅበትና በዚህም የሚሸለምበት አሠራር ነው የተዘረጋው ያሉት አቶ አዋድ፣ ‹‹በነበሩን ጥሩ የሥራ ግንኙነቶች ምክንያት ብሔራዊ ሎተሪ ፈቃድ እንደሚሰጥ ታሳቢ ተደርጎ ህትመት ቢጀመርም፣ ባልተጠበቀ ሁኔታ ብሔራዊ ሎተሪ ፈቃድ ከልክሏል፤›› ሲሉ የሲሪያል ቁጥር በመጀመርያዎቹ ህትመቶች መካተቱንና በተከታዮቹ ህትመቶች ላይ መቋረጡን ያስረዳሉ፡፡

‹‹የሲሪያል ቁጥር የታተመው የሲዲ ኮፒ ብዛቱን ለማወቅ አይደለም፤›› ሲሉ አቶ አዋድ ይገልጻሉ፡፡ አንድ ባዶ ሲዲ የሚገዛው በአራት ብር ነው፡፡ የሲዲ መሸፈኛ (ከቨር) አምስት ብር ነው፡፡ የግጥሙ ህትመት ዋጋውም የዚያኑ ያህል ነው፡፡ ከአንድ ሲዲ የሚገኘው ትርፍ ስድስት ብር ነው፡፡ በእስካሁኑ ሒደት የታተመው ሲዲ የወጣበት ወጪ ከ12 ሚሊዮን ብር በላይ መሆኑን፣ አዲካ ሙሉ ወጪውን ከሸፈነ በኋላ ከሚያገኘው የተጣራ ትርፍ ውስጥ 20 በመቶው ለቴዎድሮስ ገቢ እንደሚሆን አስረድተዋል፡፡

ነገር ግን የካሴት ህትመቱ የትና እንዴት እንደተካሄደ ለቴዲ እንቆቅልሽ ሆኖበታል፡፡ ለገበያ ቀረበ የተባለውን የሲዲ ቁጥር እንደማያምንበት ቴዎድሮስ ተናግሯል፡፡ ቴዎድሮስ ከውጭ አገር የታተመ ሲዲ ገብቷል ብሎ ከማመኑም በተጨማሪ፣ ለውጭው ዓለም በምን መንገድ ሲዲው እንደተሠራጨ አሁንም ቴዲ ይጠይቃል፡፡

አቶ አዋድ ግን እነዚህ ሁሉ ነገሮች በተመሰከረለት ባለሙያ ኦዲት ይደረግ መባሉን አስረድተዋል፡፡ በዚህ ሒደትም ላይ ኤችኤስቲ የተሰኘው ኩባንያ ተመርጦ ወደ ኦዲቲንግ ሥራ በመግባት ላይ እያለ ቴዎድሮስ ኦዲቲንጉ እንዲቆም ማድረጉ ተሰምቷል፡፡

በአሁኑ ወቅት የሁለቱ ወገኖች አለመግባባት በጡዘት ላይ የሚገኝ ሲሆን፣ የተፈጠረውን ችግር ለመፍታት የተለያዩ አካላት በሽምግልና ለመገላገል እየሞከሩ መሆኑ ታውቋል፡፡

ሰርካለም ፋሲል የባለቤቷን የጋዜጠኛ እስክንድር ነጋ ሽልማት ልትቀበል ነው

አዲስ ቪው ሚዲያ

ኤፕሪል 27 2012

የ2012 PEN/Barbara Goldsmith Freedom to Write Award አሸናፊ ጋዜጠኛ እስክንድር ነጋ ሽልማት ላይ ባለቤቱ ጋዜጠኛ ሰርካለም ፋሲል እንደምትገኝ የአዲስ ቪው ምንጮች ገለጹ።

ጋዜጠኛ እስክንድር ነጋ በሽብርተኝነት ተከሶ ጉዳዩን በፍርድ ቤት እየተከታተለ ባለበት ወቅት “ፔን ፍሪደም አዋርድ” የተባለውን አለም አቀፍ ሽልማትን አግኝቷ።ፔን አሜሪካን ሴንተር  የተባለው አለማቀፍ ድርጅት ጋዜጠኛ እስክንድር ለሰራቸው ስራዎች እውቅና በመስጠት ለ26ኛውን ሽልማት  ለጋዜጠኛ እስክንድር ነጋ እንዲሆን መወሰኑ ይታወሳል።

ፔን አሜሪካን ሴንተር  ባዘጋጀው እና ሜይ 1 2012 በኒውዮርክ ሲቲ American Museum of Natural History በሚካሄደው የሽልማት ፕሮግራም ላይ የጋዜጠኛ እስክንድር ባለቤት ጋዜጠኛ ሰርካልም ተጋባዥ ሆና እንደምትገኝ እና ሽልማቱንም ትቀበላለች ተብሎ ይጠበቃል።

ከሰርካለም በተጨማሪ የጋዜጠኞች መብት ተከራካሪ የሆኑ ድርጅት ሀላፊዎች እንዲሁም የቀድሞ አንድነት ሊቀመንበር የነበሩት ወ/ሪት ብርቱካን ሚደቅሳ የዝግጅቱ ታዳሚዎች እንደሚሆኑ ታውቋል። ጋዜጠኛ ሰርካለም ፋሲል በ2007 Courage in Journalism Award የተሰኘውን ሸልማት ከ  IWMF (International Women's Media Foundation) ማግኘቷ እና ከሽልማቱ ያገኘችውን ገንዘብ ለአምንስቲ ኢንተርናሽናል መለገሷ ይታወሳል።     

ህዝባዊ ዓመፀን በዲጅታል ዘመን ጥቅም ላይ ማዋል

ደ ብርሃን ሚድያ

26 April ፳፩፪ 

ገነ ሻርፕ (Gene Sharp ) ሃይል ያልተቀላቀለበትን ህዝባዊ አመፀ/ ንቅናቄ  ካጠኑት      ሰዎች ግንባር ቀደሙ ነው። አንድአንድ  ሰዎች የሻርፕ መፀሃፍት በአለፉት ሃያ አመታት ወስጥ በነበሩት ለውጦች ወስጥ ሰፊ ሚና ነበራቸው ይላሉ፣ ከሚሎሶቪች አስከ ሙባረክ ውድቀት ድረስ።  "ሃይል ያልተቀላቀለበት ንቅናቄ ዘዴዎች" በሚለው ማኗሉ  ሻርፕ መቶ ዘጠናስምንት ዘዴዎችን ይዘረዝራል (list of 198 methods )። እነዚህ አምባገነን መንግስቶቺን መጣያ ዘዴዎች ደግሞ በሶስት ዋና ዋና ክፍሎች ይከፈላሉ :- ሃይል ያልተቀላቀለበት ተቃውሞ አና ግፊት ማሳደር፣ አለመተባበርና ሃይል  ያልተቀላቀለበት ጣልቃ ገብነት ናቸው። እነዚሕ  ዘዴዎች ዛሬም ድረስ ጠቃሚ ቢሆኑም በዘመነ  ዲጅታል/ ኮምፒዩተር  አነዚሕኑ ዘዴዎች ከወቅቱ ጋር ማስኬድ ብሎም አዳዲስ  ዘዴዎቺን መፍጠሩ ጠቃሚ ነው ።

የሻርፕን መቶ  ዘጠናስምንት ዘዴዎች  መሰረት በማድረግ ታዋቂው የአይ ሪቭኦውሊሽን ድሕረ ገጸ   አዘጋጅ ዶክተር ፓትሪክ ሜር  አና ባልደረባው አንዴት አነዚሕን ዘዴዎች በዘመነ  ዲጅታል/ኮምፒዩተር  አንዴት ማሳደግ አንደሚቻል የሚጠቁም ዶከመንት አዘጋጀተዋል። አርሶም አነዚሕኑ ዘዴዎች ያንብቡ፣ ለወዳጆቸዎት ሁሉ ያስነበቡ አንዲሁም አርሶም አነዚሕን ዘዴዎች አንዴት ማሳደግ አንደሚቻል ያሎትን ሃሳብ ሳይን አፕ በማረግ ያኑሩ። 

ወደ ዳታቤዙ ወስጥ ለመግባት ይሄን    ጠቅ ያርጉ ። 

http://www.debirhan.com/2012/04/blog-post.html